என் உசுறக் காணலியே
வளையல் வித்து படிக்கவெச்சே
வாழ்ந்து காட்ட ப்ழக்கிவிட்டே
வச்சவாழை தழைக்கு முன்னே
வேர் அறுந்து போனீரே !
வருசமெல்லாம் நடுந்து வந்த
விவரம் சொன்ன வருசநாடு -உனக்கு
காச நோயின்னு சொல்லலியே !-இந்த
பாச மகன் என்ன செய்வேன்?
உச்சி பிளக்கும் வெயலக்கண்டு
உறங்கி வந்த செங்குலமோ - உனக்கு
மூச்சு நிண்டத சொல்லலியே !- இந்த
மூத்த மகன் என்ன செய்வேன் ?
ஆலந்தளீ ர் ஓடையோரம் - நீ
அடுத்தடுத்து வெச்ச மரம்
ஊரைக்காத்த வேப்பமரம்
உன்னைக் காக்க மறந்திருச்சோ!
வெள்ள வேட்டி வெள்ளச் சட்ட -நீ
விரும்பி உடுத்த வாங்கிவந்தேன்
என் உசுறக் காணலியே - இந்த
ஏழைமகன் என்ன செய்வேன் ?
உசுறக் காக்கும் டாக்டரெல்லாம்
உயர் பட்டணம் வசிக்கணும்மா?
பட்டிக்காடு நம்ம ஊரு ( மயிலாடும்பாறை ) -இனி
படிச்சுசறும் டாக்டரு பலபேரு !
கருத்துகள் இல்லை:
கருத்துரையிடுக
tnc.repa@gmail.com